जोहोर, मलेसिया । मकालु एफसी जोहोर, मलेसियाको आयोजनामा हुने दोस्रो मकालु गोल्ड कप २०२६ फुटबल प्रतियोगिताको टाइ–सिट सार्वजनिक गरिएको छ। प्रतियोगितामा विभिन्न क्लबका १६ टोली सहभागी हुने भएका छन्।
प्रतियोगिताका टोलीलाई पोल ‘ए’ र पोल ‘बी’ गरी दुई समूहमा विभाजन गरिएको छ। पोल ‘ए’ मा मकालु एफसी, पुर्बेली एफसी, तामान यू एफसी, योङ थन्डर एफसी, एन. पेनाङ एफसी, न्यू बोइज एफसी, एसबीवाईसी एफसी र आरटी एफसी रहेका छन्।
त्यस्तै, पोल ‘बी’ मा शिमानो एफसी, मनकामना एफसी, हिमालयन एफसी, सेनाई एफसी, सगरमाथा एफसी, न्यू स्टार एफसी, पीबीएफसी र कम्टेक एफसी रहेका छन्।
सार्वजनिक गरिएको टाइ–सिटअनुसार प्रतियोगिताको खेल अगस्ट ३० र ३१ मा सञ्चालन हुनेछ। पोल ‘ए’ अन्तर्गत मकालु एफसी र पुर्बेली एफसीबीच बिहान १० बजे, तामान यू एफसी र योङ थन्डर एफसीबीच दिउँसो १२ बजे, एन. पेनाङ एफसी र न्यू बोइज एफसीबीच दिउँसो २ बजे तथा एसबीवाईसी एफसी र आरटी एफसीबीच साँझ ४ बजे प्रतिस्पर्धा हुनेछ।
पोल ‘बी’ अन्तर्गत शिमानो एफसी र मनकामना एफसीबीच बिहान ११ बजे, हिमालयन एफसी र सेनाई एफसीबीच दिउँसो १ बजे, सगरमाथा एफसी र न्यू स्टार एफसीबीच दिउँसो ३ बजे तथा पीबीएफसी र कम्टेक एफसीबीच साँझ ५ बजे खेल हुने तालिका छ।
प्रतियोगिताको फाइनल खेल अगस्ट ३१ गते साँझ ६ बजे हुने टाइ–सिटमा उल्लेख छ। प्रतियोगिताका खेलहरू केम्पास अवाना स्टेडियम, जोहोर मा सञ्चालन हुनेछन्।
प्रतियोगिताअघि अगस्ट ३० गते बिहान ९ बजे उद्घाटन खेल समेत आयोजना हुने जनाइएको छ। प्रतियोगिताको आयोजना मकालु एफसी जोहोर, मलेसिया ले गरेको हो।
मलेसियामा नेपाली समुदायबीच फुटबल खेलको विकास, खेलाडीको प्रतिभा प्रदर्शन तथा आपसी भाइचारा अभिवृद्धि गर्ने उद्देश्यले आयोजना हुँदै आएको मकालु गोल्ड कपको दोस्रो संस्करणलाई खेलप्रेमीहरूले चासोका साथ हेरेका छन्।
