गएराति महोत्तरीको सोनमा गाउँपालिका-३ खखना निवासी राम विश्वास यादवको घरमा आएका डाकाहरूले चलाएको गोली लागेर यादवका छोरीज्वाइँ गम्भीर घाइते भएका हुन्।
जिल्ला प्रहरी कार्यालय महोत्तरीका प्रवक्ता डीएसपी पञ्चलाल गोलेका अनुसार ५/६ जनाको समूहका डाँकाले गोली प्रहार गर्दा रामविश्वासका ज्वाईं २७ वर्षीय ईश्वर यादव र छोरी २२ वर्षीया किरण यादव घाइते भएका छन्।
गोली लागेर गम्भीर घाइते भएका उनीहरूको अहिले जनकपुरस्थित जानकी हेल्थ केयरमा उपचार भइरहेको छ।
घटनाबारे प्रहरीले बुधबार बिहान मात्रै जानकारी पाएको हो। घटनास्थलबाट एक थान गोलीको खोका बरामद भएको र घटनामा संलग्न व्यक्तिहरूको खोजी तथा थप अनुसन्धान भइरहेको प्रहरीले जनाएको छ।
‘मंगलबार राति घरभित्र प्रवेश गरी ५/६ जनाको अपरिचित समूहले लुटपाट गर्न थालेपछि उनीहर”सँग प्रतिवाद हुँदा गोली प्रहार भएको हो,’ डीएसपी गोलेले भने।
