काठमाडौँ : राष्ट्रिय स्वतन्त्र पार्टी (रास्वपा) का सभापति रवि लामिछाने विरुद्धको मुद्दा संशोधनको निर्णयमाथिपरेको रिट निवदनको सुनुवाइ स्थगित भएको छ।
महान्यायाधिवक्ता कार्यालयले सुनुवाइ स्थगित गर्न दिएको निवेदनका आधारमा बिहीबार तय भएको सुनुवाइ स्थगित भएको हो। बिहीबार न्यायाधीशहरू नृपध्वज निरौला, नित्यानन्द पाण्डेय र श्रीकान्त पौडेलको इजलासमा मुद्दाको पालो परेको थियो ।
mahalaxmi Bank
मुद्दा संशोधनको निर्णयमाथि सर्वोच्च अदालतमा तीनवटा छुट्टाछुट्टै रिट निवेदन दर्ता भएकोमा संयुक्त इजलासका दुई न्यायाधीशहरूले गम्भीर कानूनी प्रश्न उठाउँदै तीन सदस्यीय पूर्ण इजलासमा पेश गर्न आदेश दिएका थिए। सर्वोच्च अदालतले बिहीबार पहिलोपटक मुद्दाको सुनुवाइको मिति तय गरेको थियो।
