इजरायली ड्रोन आक्रमणमा परी हमासका एक शीर्ष नेता मारिएका छन्। लेबनानको दक्षिणी बेरुतमा इजरायली ड्रोन हमलामा हमासका वरिष्ठ अधिकारी सालेह अल–अरौरी मारिएको हमासलाई उद्धृत गर्दै अलजजिराले जनाएको छ ।
यद्यपि इजरायलले आधिकारिक रूपमा उक्त घटनाको जिम्मेवारी लिएको छैन। बेरुतमा मारिएका अरौरी हमासको पोलिटब्यूरो सदस्यहरुमध्ये वरिष्ठ नेता हुन् । आक्रमणमा अरौरीसँगै अन्य दुई नेता, समीर फिन्डी अबु आमेर र अजाम अल–अक्रा अबु अम्मर पनि मारिएका छन् ।
हिजबुल्लाहले यो लेबनानी सार्वभौमसत्तामा आक्रमण भएको बताएको छ।यता लेबनानका प्रधानमन्त्रीले इजरायलले लेबनानलाई टकरावमा तान्न खोजेको आरोप लगाएका छन्।
