मलेसियाकाे मलका राज्यमा स्वर्गीय जीवन मगर स्मृति दोस्रो सगरमाथा आमन्त्रण भलिबल प्रतियोगिता २०२६ आयोजना हुँने भएकाे छ ।
मलेसियाको मलका राज्य स्थित सगरमाथा युवा क्लबले स्वर्गीय जीवन मगरको स्मृतिमा दोस्रो सगरमाथा आमन्त्रण भलिबल प्रतियोगिता २०२६ आयोजना गर्ने भएको छ।
क्लबका अध्यक्ष प्रदीब बोहोरा ले हिरोनेपाल टिभिलाई जानकारी दिनुहुँदै उक्त प्रतियोगिता आगामी मे ३१ र जुन ०१, २०२६ मा सञ्चालन गरिने बताउनुभयो।
प्रतियोगितामा मलक्का भित्रका ६ टिम र मलक्का बाहिरका ६ टिम गरी जम्मा १२ टिमको सहभागिता रहनेछ। सहभागी खेलाडीहरू अनिवार्य रूपमा नेपाली नागरिक हुनुपर्ने व्यवस्था गरिएको छ।
प्रतियोगितामा प्रथम हुने टिमले नगद रु ३,०१,००० सहित मेडल, ट्रफी र प्रमाणपत्र प्राप्त गर्नेछ भने द्वितीय हुने टिमलाई नगद रु १,५१,००० सहित मेडल, ट्रफी र प्रमाणपत्र प्रदान गरिनेछ।
यस प्रतियोगिताले मलेसियामा रहेका नेपाली समुदायबीच खेलकुदको माध्यमबाट आपसी सद्भाव, एकता र प्रतिभा प्रदर्शन गर्ने अवसर प्रदान गर्ने विश्वास आयोजकले लिएको छ।
