जेनजी आन्दोलनका क्रममा भ्रामक सूचना फैलाउने कार्यमा पाँच जना सामाजिक सञ्जाल इन्फ्लुएन्सर संलग्न रहेको निष्कर्ष जाँचबुझ आयोगले निकालेको छ। आयोगको प्रतिवेदनअनुसार टंक दाहाल, सुजन ढकाल, शिव परियार, हिमेश पन्त र भाग्य न्यौपाने भ्रामक प्रचारमा संलग्न रहेका छन्।
प्रतिवेदनमा उल्लेख भएअनुसार २३ गते चुच्चेपाटीस्थित भाटभटेनीमा ३५ शवको कंकाल भेटिएको भन्ने झुटो सूचना फैलाइएको थियो। त्यसैगरी २४ गते ३२ जना हराइरहेका प्रदर्शनकारीहरू बानेश्वरस्थित संसद भवनभित्र मृत अवस्थामा भेटिएको भनी प्रचार गरिएको थियो, जुन पूर्ण रूपमा भ्रामक सावित भएको आयोगले जनाएको छ।
यस्ता झुटा सूचना फैलाउनमा सामाजिक सञ्जालमार्फत प्रभाव पार्ने व्यक्तिहरूको प्रत्यक्ष संलग्नता रहेको आयोगको ठहर छ।
यसैबीच, एक विमान परिचारिकाले Himalayan Airlines मार्फत प्रधानमन्त्री K. P. Sharma Oli दुबई भागेको दाबी गर्दै भ्रामक सूचना सार्वजनिक गरेको पनि प्रतिवेदनमा उल्लेख गरिएको छ। उक्त दाबी असत्य भएको स्पष्ट पार्दै एयरलाइन्सले प्रेस वक्तव्य जारी गर्नुपरेको थियो।
त्यस्तै, Gagan Thapa लाई भीडले कुटपिट गरेको भन्दै सामाजिक सञ्जालमा फैलाइएको सामग्री पनि गलत रहेको पुष्टि भएको छ। साथै उपप्रधानमन्त्री तथा अर्थमन्त्री Bishnu Prasad Paudel भीडबाट जोगिन नदीमा भागिरहेको र उनलाई आक्रमण गरिएको भिडियोसमेत भ्रामक रहेको आयोगले जनाएको छ।
आयोगले यस्ता भ्रामक सूचनाले समाजमा भ्रम, त्रास र अस्थिरता फैलाउने भएकाले जिम्मेवार भएर सूचना प्रसारण गर्न सबैलाई आग्रह गरेको छ।
