मलेसिया। गैरआवासीय नेपाली संघ (NRNA) राष्ट्रिय समन्वय परिषद् मलेसियाले आज एक सूचना जारि गर्दै एक महिनाका लागि पुनः सदस्यता खुला गरेको जनाएकाे छ।
संघले मलेसियामा बसोबास गर्ने सम्पूर्ण नेपाली दाजुभाइ तथा दिदीबहिनीलाई लक्षित गर्दै जुलाई महिनामा दर्ता हुन छुटेका महानुभावहरूलाई मध्यनजर गरी पुनः सदस्यता खुला गरिएको जनाएको हाे।
गत डिसेम्बर १५ गते सम्पन्न एनआरएनए स्टियरिङ कमिटीको दोस्रो बैठक ले संघको ११औँ अन्तर्राष्ट्रिय महाधिवेशन तथा विश्व सम्मेलन आगामी सन् २०२५ को फेब्रुअरी २३ देखि २५ सम्म का लागि आयोजना गरेको थियाे।
यसैगरी, मिति ३० नोभेम्बर २०२५ मा सम्पन्न वृहत् एकताको सम्झौताअनुसार डिसेम्बर २०२५ देखि जनवरी २०२६ सम्म (एक महिना) का लागि सबै एनसीसीहरूमा MRS प्रणालीमार्फत सदस्यता खुला गरेकाे संघले जनाएको छ।
सदस्यता लिन इच्छुकले Play Store बाट Smart NRNA एप डाउनलोड गरी Register विकल्पमार्फत आवश्यक कागजात अपलोड गरेर दर्ता प्रक्रिया पूरा गर्न सक्ने जनाइएको छ।
थप जानकारीका लागि सम्पर्क नम्बर 016-387-5155 मा सम्पर्क गर्न संघले आग्रह गरेको छ।
