जोहोेर (मलेसिया) –मलेसियाको जोहोरमा नेपाली समुदायको सक्रिय आयोजनामा यहि डिसेम्बर २५ मा पहिलो मकालु गोल्ड कप २०२५ हुने भएको छ। Makalu Football Club Johor, Malaysia द्वारा आयोजित यस प्रतिष्ठित फुटबल प्रतियोगितामा विभिन्न क्षेत्रका १६ फुटबल क्लब सहभागी रहेने छन्।
आयोजकले सार्वजनिक गरेको Tie Sheet अनुसार प्रतियोगिता लाई दुई समूह—Pole A र Pole B—मा विभाजन गरिएको छ। Pole A अन्तर्गत मकालु एफसी ‘A’, आरबी एफसी, जोहोर जया एफसी, गोर्खाली एफसी, एस.बी.वाई.सी, तामान यू एफसी, शिमानो एफसी र बहादुरे एफसी रहेका छन्।
त्यसैगरी Pole B मा मकालु एफसी ‘B’, पुर्बेली एफसी, हिमालयन एफसी, न्यू स्कुदाई एफसी, प्लेन्टोङ एफसी, सगरमाथा एफसी, सेनाइ एफसी र टीडीके एफसी सहभागी छन्।
प्रतियोगिताका खेलहरू बिहान ८:३० बजे बाट सुरु भई साँझसम्म सञ्चालन हुनेछन्। समूह चरणका खेलपछि सेमिफाइनल र फाइनल खेलहरू साँझतिर हुने आयोजकले जनाएको छ। फाइनल खेल साँझ ७:०० बजे हुने तालिका रहेको छ।
स्वास्थ्य, मित्रता र एकताको सन्देश बोकेको यस प्रतियोगिताले खेलकुदमार्फत मलेसियामा कार्यरत नेपाली समुदायबीच आपसी सम्बन्ध मजबुत बनाउने विश्वास लिइएको छ। आयोजक मकालु फुटबल क्लबले खेलप्रेमी दर्शकहरूलाई मैदानमा उपस्थित भई खेलको उत्साह बढाईदिन समेत आग्रह गरेको छ।
