क्वालालम्पुर (मलेसिया) – नेपालमा हर्कराज साम्पाङ राईको नेतृत्वमा स्थापित श्रम संस्कृति पार्टीको प्रवास संगठन मलेसियामा पनि औपचारिक रूपमा गठन गरिएको छ।
आइतबार राजधानी क्वालालम्पुरमा “देश सोच्न सकूँ, म देश बोल्न सकूँ, देशकै कर्म गर्न सकूँ, म देशकै लागि मर्न सकूँ” भन्ने मूल नारासहित आयोजना गरिएको श्रमदाता–श्रमिक भेला मार्फत पार्टीको मलेसिया प्रवास संगठन स्थापना गरिएको हो।
संगठनले मलेसियामा रहेका नेपाली श्रमिकहरूको हक–अधिकार संरक्षण, सुरक्षा, तलब तथा कागजपत्रसम्बन्धी समस्या समाधान, साथै प्रवासी नेपालीहरूको सामाजिक तथा राजनीतिक सहभागिता विस्तारका लागि सक्रिय भूमिका खेल्ने योजना बनाएको जनाएको छ।
भेलाबाट सर्वसम्मत रूपमा चयन गरिएको मूल समितिका पदाधिकारीहरूको नामावली यसप्रकार छः
पदाधिकारीहरू
-
अध्यक्ष: रमेश राई
-
उपाध्यक्षहरू: सुभ राई, सोनाम शेर्पा, सुजता राई
-
महासचिव: एच्छिक राई
-
सचिव: विकास विश्वकर्मा
-
सह–सचिव: मेनुका लिम्बु
-
कोषाध्यक्ष: भरण शेर राई
-
सह–कोषाध्यक्ष: सौजया लिम्बु
सदस्यहरू
सन्जिब राई, टी.आर. साम्सुहाङ लिम्बु, खगेन्द्र चौलागाई, अबि राई, अबिन्द्र लिम्बु, चित्र वम्बुले, मनकुमारी राई, सुस्मिता केदेम लिम्बु, दिवस राई, तुलसा राई, बिरेन राई, सन्जय बान्तावा, प्रतिक्षा शेर्पा, राम तारानाथ यादव, सन्त कुमार आङ्देम्बे, प्रबिन थुलुङ राई, राजु राई, युगल नेम्बाङ, कमल राई, बिवस राई तथा हेम दर्लामी।
विशेष सल्लाहकारहरू
भबिन कुलुङ, हाङ्सा लिम्बु, अर्थ सेलिङ लिम्बु, युब राज राई, निर्मल लिम्बु, मोहन मगर र भिम कुमार राई चयन भएका छन्।
श्रम संस्कृति पार्टीको मलेसिया प्रवास संगठन गठनसँगै प्रवासी नेपाली श्रमिकहरूको मुद्दालाई संस्थागत रूपमा उठाउने अपेक्षा गरिएको छ।
