काठमाडौँ । उज्यालो नेपाल पार्टीकी केन्द्रीय सदस्य विद्या श्रेष्ठले पदबाट राजीनामा घोषणा गरेकी छन्। उनले आज सामाजिक सञ्जालमार्फत आफ्नो राजीनामा सार्वजनिक गरेकी हुन्।
श्रेष्ठले हेटौडामा भइरहेको सडक विस्तारमा बल प्रयोग भएको भन्दै त्यसको विरोधस्वरूप पद छाडेको उल्लेख गरेकी छन्। सरकारी पक्षले मानव अधिकारविपरीत काम गरेको आरोप समेत उनले लगाएकी छन्।
सामाजिक सञ्जालमा उनले लेखेकी छिन्—
“म आजदेखि उज्यालो नेपाल पार्टीको केन्द्रीय सदस्यबाट राजीनामाको घोषणा गर्दछु। अरू अभियन्ता साथीहरूले के गर्नुहुन्छ ? मेरो नैतिकताले दिएन। म हेटौडा पीडितको साथ छु।”
श्रेष्ठले आफू प्रष्ट रूपमा सडक विस्तारको नाममा भएको बल प्रयोग र पीडितमाथि परेको दवाबका विरुद्ध उभिएको बताएकी छन्।
