काठमाडौँ । जारी दोस्रो संस्करणको नेपाल प्रिमियर लिग (एनपिएल) अन्तर्गत आज त्रिभुवन विश्वविद्यालय अन्तर्राष्ट्रिय क्रिकेट मैदानमा दुई महत्वपूर्ण खेल हुँदैछन्।
पहिलो खेल — सुदूरपश्चिम रोयल्स बनाम विराटनगर किङ्ग्स (बिहान ११:१५ बजे)
पहिलो क्वालिफायर सुरक्षित गरिसकेको सुदूरपश्चिम रोयल्सले आजको खेल दबाबविनै खेल्नेछ।
अपराजित सुदूरपश्चिमले ६ खेलबाट १२ अंक जोडेर तालिकाको शीर्षस्थानसमेत पक्का गरिसकेको छ।
तर विराटनगर किङ्ग्सका लागि भने आजको खेल अत्यन्तै महत्वपूर्ण छ।
– प्लेअफ टिकट पक्का गरे पनि
– पहिलो क्वालिफायरमा पुग्न आजको जित अनिवार्य छ।
यदि विराटनगरले उच्च रनरेटसहित जित निकाल्न सफल भए, ऊ पनि सुदूरपश्चिमसँगै पहिलो क्वालिफायरमा प्रवेश गर्नेछ।
नभए, उसले लुम्बिनी लायन्ससँग इलिमिनेटर खेल्नुपर्नेछ।
यसपछि पहिलो क्वालिफायरमा सुदूरपश्चिम रोयल्स र काठमाडौं गोर्खाजबीच प्रतिस्पर्धा हुनेछ।
दोस्रो खेल — चितवन राइनोज बनाम पोखरा एभेन्जर्स (दिउँसो ३:३० बजे)
दिउँसो हुने दोस्रो खेल भने प्रेस्टिज–फाइट मात्र हुनेछ।
प्लेअफको दौडबाट दुवै टोली पहिल्यै बाहिरिइसकेका छन्।
– चितवन र
– पोखरा
दुवै टोलीले ६ खेलबाट ४–४ अंक मात्र जोड्न सकेका छन्।
यसैले आजको खेल सम्मान जोगाउने अवसर मात्र रहनेछ।
