प्रधानमन्त्री सचिवालयमा ‘नातावाद’ विवादः प्रमुख स्वकीय सचिवले पत्नी सहित चार नातेदार नियुक्ति गरेको खुलास
प्रधानमन्त्री सुशीला कार्कीका प्रमुख स्वकीय सचिव आदर्शकुमार श्रेष्ठले प्रधानमन्त्रीको सचिवालयमा आफ्नै श्रीमती तथा अन्य नातेदारलाई नियुक्त गरेको तथ्य सार्वजनिक भएको छ।
गत असोज २ गते सचिवालयमा स्वकीय सहसचिव पदमा नियुक्त संगीता श्रेष्ठ आदर्शकै पत्नी भएको पुष्टि भएको हो।
आदर्श श्रेष्ठले संगीता आफ्नी पत्नी भएको स्वीकार गर्दै, “प्रधानमन्त्रीको विश्वास र गोपनीयता सुनिश्चित गर्न पत्नीलाई सचिवालयमा ल्याइएको” दाबी गरेका छन्।
त्यही दिन स्वकीय सहसचिवमा नियुक्त कमला श्रेष्ठ तथा प्रशासन सहायकद्वय पुनम श्रेष्ठ र रविना श्रेष्ठ पनि आदर्शकै नातेदार भएको खुलेको छ।
तर यस विषयमा उनले आफ्नो नाम अनावश्यक रूपमा जोडिएको बताएका छन्।
श्रेष्ठ यसअघि सर्वोच्च अदालतको सूचना प्रविधि महाशाखामा करार कर्मचारीका रूपमा कार्यरत थिए।
