काठमाडौँ — नेपालले श्रीलंका, नोभेम्बर ३ (हिरो नेपाल टिभी) । कोलम्बोमा सम्पन्न सेन्ट्रल एसियन भलिबल संघ (काभा) यू–१९ महिला भलिबल च्याम्पियनसिपमा नेपालले उपविजेता स्थान हात पारेको छ।
आइतबार भएको रोमाञ्चक फाइनल खेलमा नेपाल किर्गिस्तानसँग ३–२ सेटले पराजित भएको थियो। पहिलो सेट जित्दै उत्कृष्ट सुरुवात गरे पनि नेपाल त्यसपछि दबाबमा परेको थियो।
नेपालले पहिलो सेट २५–२२ ले जितेको थियो, तर दोस्रो र तेस्रो सेटमा क्रमशः २५–२ र २५–२१ ले पराजित भयो। चौथो सेटमा पुनरागमन गर्दै नेपालले २५–१३ ले जित्दै खेललाई निर्णायक सेटसम्म पुर्यायो। तर अन्तिम सेटमा नेपाल १५–११ ले पराजित हुँदै उपाधिबाट चुक्यो।
यसअघि समूह चरणमै नेपाल किर्गिस्तानसँग ३–२ सेटले पराजित भएको थियो। चार टोली सहभागी प्रतियोगिताको समूह चरणमा नेपालले श्रीलंकालाई ३–१ र माल्दिभ्सलाई ३–० को सोझो सेटमा हराएको थियो।
सेमिफाइनलमा पनि नेपालले पुनः माल्दिभ्सलाई सोझो सेटमा पराजित गर्दै फाइनलमा प्रवेश गरेको थियो।
किर्गिस्तानविरुद्धको संघर्षपूर्ण फाइनलमा नेपाली महिला टोलीले उत्कृष्ट प्रदर्शन गरे पनि भाग्यसँग हार्नुपरेको प्रशिक्षक दलले जनाएको छ।
