काठमाडौं — नेपाली कांग्रेसले आकस्मिक रूपमा केन्द्रीय कार्यसमितिको बैठक आज दिउँसो १ बजे पार्टी केन्द्रीय कार्यालय सानेपामा बोलाएको छ।
पार्टीका मुख्य सचिव कृष्णप्रसाद पौडेलका अनुसार बैठकमा केन्द्रीय पदाधिकारी, सदस्य, आमन्त्रित सदस्य तथा सातै प्रदेश कार्यसमितिका सभापतिहरूलाई उपस्थितिका लागि आह्वान गरिएको छ।
बैठकले नेपाली कांग्रेसका केन्द्रीय सदस्य तथा पूर्वमन्त्री मोहम्मद आफतव आलमको निधनप्रति शोक प्रस्ताव पारित गर्ने कार्यक्रम रहेको बताइएको छ।
पूर्वमन्त्री आलमको गएको राति २ बजे निधन भएको थियो। पार्टीका नेताहरूले उनको निधनले कांग्रेसले एक प्रतिबद्ध नेता गुमाएको भन्दै गहिरो दुःख व्यक्त गरेका छन्।
