मलका, मलेसिया : Pulse Play Sports Complex Malaysia, Malaccaको आयोजनामा “7s Open Football Tournament” मा यसपालि पहिलो पटक नेपाली समुदायको टिमले समेत सहभागिता जनाउने भएकाे छ।
गैर आवासीय नेपाली संघ (NRNA) राज्य समिति मलकाकाे तर्फबाट एक नेपाली फुटबल टिमलाई उक्त प्रतियोगितामा विशेष आमन्त्रणका साथ सहभागीता प्रदान गरिएको हो।
आयोजकका अनुसार, यस खेलकुद प्रतियोगितामा कुल ९ टिम सहभागी भएका छन्, जसमा नेपाली टिम मात्र एक प्रतिनिधि समूहका रूपमा सहभागी भएको छ। प्रतियोगिताको उद्देश्य मलेसियामा रहेका विभिन्न समुदायबीच मैत्रीपूर्ण सम्बन्ध, खेलकुदमा सहभागिता, र आपसी सद्भाव विस्तार गर्नु रहेको जनाइएको छ।
आयोजक Pulse Play ले जनाए अनुसार, प्रतियोगितामा प्रथम स्थान हासिल गर्ने समूहलाई मलेसियाको राजधानी क्वालालम्पुरमा हुने अर्को खेल प्रतियोगितामा सहभागी गराइनेछ।
NRNA मलका समितिका प्रतिनिधिहरूले भने, “नेपाली टिमको यस सहभागिताले विदेशमा रहेका नेपाली युवाहरूमा खेलकुदप्रतिको उत्साह, एकता र राष्ट्रिय पहिचान बढाउने काम गर्ने भन्दै खुेशी व्यक्त गरेका छन । 
