क्वालालम्पुर, मलेसिया : गैरआवासीय नेपाली संघ (एनआरएनए)A समुह राष्ट्रिय समन्वय परिषद्, मलेसियाले नेपालमा हालै जेनजी आन्दोलनका क्रममा क्षति पुगेका संरचनाहरूको पुनर्निर्माणका लागि नेपाल सरकारले स्थापना गरेको पुनर्निर्माण कोषमा आर्थिक सहयोग गर्ने निर्णय गरेको छ ।
एनआरएनए A समुह मलेसियाका अध्यक्ष राकेश प्रसाद महतोले मातृभूमिप्रति सामाजिक उत्तरदायित्व बोध गर्दै सहयोग संकलन गरी छिट्टै नेपाल सरकारलाई हस्तान्तरण गर्ने जानकारी दिए । मध्यान्ह दैनिकसँगको कुराकानीमा उनले गत आइतबार बसेको संघको मासिक भेलामा सहिदहरूप्रति श्रद्धाञ्जली सभा आयोजना गरिएको र घाइतेहरूको शीघ्र स्वास्थ्यलाभको कामना गरिएको बताए ।
अध्यक्ष महतोले भने, “मातृभूमिमा संकट परेको बेला साथ दिनु हाम्रो कर्तव्य हो । हामीले पुनर्निर्माण कोषमा सहयोग गर्ने निर्णय गरेका छौं ।”
एनआरएनए A समुह मलेसियाले मलेसियामा रहेका अन्य नेपाली संघसंस्थाहरूलाई पनि यो संकटको समयमा पुनर्निर्माण कार्यमा सहयोग गर्न अनुरोध गरेको छ ।
एनआरएनए A समुह मलेसियाको यो पहलले नेपालको पुनर्निर्माण कार्यमा महत्वपूर्ण योगदान पुग्ने अपेक्षा गरिएको छ।
नाेट ः गैरआवासीय नेपाली संघ (एनआरएनए) A समुह मलेसिया नामाकरण मलेसियामा रहेकाे नेपाली राजदुताबास मलेसियाका महामहिम राजदुत नेत्र तिमसेनाले राजदुताबासमा भएकाे एक समाराेहका विच गर्नुभएकाे हाे
