जोहोरबारु, मलेसिया – 28 सेप्टेम्बर 2025 (आइतबार) रोल्पाली सेवा समाज मलेसियाको आयोजनामा “दशैं विशेष कार्यक्रम 2082” तथा क्षेत्रीय समिति जोहोरको प्रथम वार्षिकोत्सव समारोह मलेसियाको जोहोरबारुस्थित JO HOTEL मा हुने भएको छ। कार्यक्रम बिहान १० बजेबाट सुरु हुनेछ।
“मातृभूमिका लागि विश्वभरका रोल्पालीहरू गोलबद्ध होऔं” भन्ने मुल नाराका साथ अगाडि बढिरहेको रोल्पाली सेवा समाज मलेसियाले यसपटकको दसैंलाई विशेष बनाउने उद्देश्यले कार्यक्रम आयोजना गर्न लागेको हो।
यस विशेष अवसरमा विविध सांस्कृतिक कार्यक्रम, सहयोगी दाताहरुलाई सम्मान गर्ने समारोह, साथै रोल्पाका धार्मिक तथा ऐतिहासिक स्थलहरूको फोटो प्रदर्शनी समेत समावेश गरिनेछ।
समाजका अनुसार, कार्यक्रम फूलपातीको अघिल्लो दिन, अर्थात् सेप्टेम्बर 28 (आइतबार) मा आयोजना गरिनेछ, जसले प्रवासी नेपालीहरूमा चाडपर्वको भावनात्मक समर्पणलाई अझ सशक्त बनाउने अपेक्षा गरिएको छ।
रोल्पाली मात्र नभई मलेसियामा बसोबास गर्ने सम्पूर्ण नेपाली दाजुभाइ तथा दिदीबहिनीहरूलाई कार्यक्रममा उपस्थित भइ सफल बनाइदिन आयोजकले हार्दिक आमन्त्रण गरेका छन्।
आयोजक:
रोल्पाली सेवा समाज मलेसिया
सह-आयोजक:
रोल्पाली सेवा समाज मलेसिया क्षेत्रीय समिति जोहोर
