हेल्प मधेसी मलेसियाको तेस्रो अधिवेशन तथा सम्मान कार्यक्रम १४ सेप्टेम्बरमा क्वालालम्पुरमा सम्पन्न हुने
क्वालालम्पुर, मलेसिया – हेल्प मधेसी मलेसियाले आफ्नो तेस्रो अधिवेशन तथा सम्मान कार्यक्रम आउँदो १४ सेप्टेम्बर २०२५, आइतबारका दिन क्वालालम्पुरस्थित WISMA ANN KOAI (नेपाली दूतावास छेउको भवन) मा आयोजना गर्न लागेको छ। कार्यक्रम सम्पन्न गर्नका लागि सम्पूर्ण तयारी पूरा गरिएको आयोजकले जनाएको छ।
“तन, मन, धन… स!” भन्ने मूल नाराका साथ स्थापित हेल्प मधेसी मलेसियाको यस कार्यक्रमले प्रवासी मधेसी समुदायबीच एकता, सांस्कृतिक संरक्षण र आपसी सहयोग प्रवर्धनमा सशक्त भूमिका खेल्ने अपेक्षा गरिएको छ।
देशमा जारी राजनीतिक अस्थिरता र चिन्ताजनक गतिविधिहरूको सन्दर्भमा कार्यक्रमलाई साधारण तर प्रभावकारी रूपमा आयोजना गर्ने निर्णय भएको हो। यस अधिवेशनमा संगठनका पदाधिकारीहरूबीच गहन छलफल हुने र आगामी दिशा तय गरिनेछ।
कार्यक्रममा सबै नेपाली दाजुभाइ तथा दिदीबहिनीहरूलाई सहभागी भई कार्यक्रमलाई सभ्य र भव्य बनाउन हेल्प मधेसी मलेसिया परिवारले हार्दिक अनुरोध गरेको छ।
मिति: १४ सेप्टेम्बर २०२५
स्थान: WISMA ANN KOAI, 67, Jalan Ampang, 50450, W.P. Kuala Lumpur (नेपाली दूतावास छेउ)
आयोजक: हेल्प मधेसी मलेसिया केन्द्रीय कार्यसमिति
