क्वालालम्पुर, मलेसिया — हेल्प मधेसी मलेसियाले आफ्नो तेस्रो अधिवेशन तथा सम्मान कार्यक्रम आउँदो १४ सेप्टेम्बर २०२५, आइतबारका दिन राजधानी क्वालालम्पुरमा भव्य रूपमा आयोजना गर्ने भएको छ।
कार्यक्रम WISMA ANN KOAI, 67, Jalan Ampang, 50450, W.P. Kuala Lumpur (नेपाली दूतावास छेउको भवन) मा सम्पन्न हुनेछ।
संस्थाका अनुसार, मलेसियामा कार्यरत सम्पूर्ण नेपाली समुदाय, साथै यहाँ क्रियाशील सरकारी तथा गैर–सरकारी संघ–संस्थाका प्रतिनिधिहरूलाई उपस्थित भई कार्यक्रम सफल पार्न हार्दिक निमन्त्रणा गरिएको छ।
कार्यक्रममा समुदायको एकता, सांस्कृतिक संरक्षण र आपसी सहयोग प्रवर्धन गर्ने उद्देश्यले विभिन्न गतिविधिहरू समावेश गरिने जनाइएको छ। अधिवेशनमा विशेष अतिथि, सम्मान समारोह, सांस्कृतिक प्रस्तुति, तथा संस्थाका भावी योजनाहरूमा छलफल गरिनेछ।
उक्त अवसरमा प्रमुख अतिथिको रूपमा मलेसियास्थित नेपाली राजदूत महामहिम डा. नेत्र प्रसाद तिम्सिनाको गरिमामय उपस्थिति रहनेछ। साथै, नेपाली तथा मैथिली कलाकारहरूद्वारा सांगीतिक तथा सांस्कृतिक प्रस्तुति पनि गरिनेछ।
थप जानकारीका लागि सम्पर्क:
दिपक मण्डल – 011 3323 2950
प्रमोद कुमार महतो – 016 2633 967
उदय नारायण मण्डल – 014 9638 726
जय प्रकाश शाह – 011 1284 8947
सुरेन्द्र महतो – 010 2521 407
पवन कुमार महतो – +60 12-516 8482
