मलका, मलेसिया अगष्ट १० — गैरआवासीय नेपाली संघ (NRNA) मलका राज्य समितिको पहिलो कार्य समिति बैठक आइतबार अध्यक्ष अर्जुन लावती (लिम्बू)को अध्यक्षतामा सम्पन्न भएको छ।
बैठकले सात सदस्यीय सल्लाहकार समिति गठन गर्दै संस्थाको आचारसंहिता नीति, आर्थिक नीति, सदस्यता नीति, बैठक नीति तथा केही कार्ययोजना समेत पारित गरेको छ।
नव गठित सल्लाहकार समितिमा प्रमुख सल्लाहकारकाे रुपमा गैरआवासिय नेपाली संघ NRNA (NCC) मलेसियाका महासचिव बिष्णु प्रसाद बराल तेसै गरि सल्लाहकार सदस्यहरुमा सचिव उमेश महताे काेईरि सहित, प्रदीप बोहोरा (आकाश), रविन्द्र श्रेष्ठ, ओम श्रेष्ठ, मधु खड्का र विजय साह नियुक्त हुनु भएकाे छ।
कार्यक्रममा एनआरएनए मलेसियाका महासचिव विष्णु प्रसाद बराल, सचिव उमेश महत्वलगायतको उपस्थिति रहेको थियो। बैठक सञ्चालन गर्दै मलका राज्य समितिका सचिव मनोज दशौंदीले संस्थाका नीति र कार्ययोजनाहरू प्रस्तुत गर्नुभएको थियो।
सचिवद्वारा प्रस्तुत नीतिहरू र कार्ययोजनामा विस्तृत छलफल पश्चात सर्वसहमतिले पास गर्दै बैठकको समापन गरिएको थियो।
