क्वालालम्पुर, मलेसिया । नेपाली दूतावास, क्वालालम्पुरले श्री ब्रिजेश कुमार यादवलाई मिति २०८२ साल साउन ९ गते (शुक्रवार) नेपाल एयरलाइन्सको नियमित उडानमार्फत स्वदेश फिर्ता गराएको छ।
दूतावासका अनुसार, सन् २०२३ मा रोजगारीका लागि मलेसिया आएका श्री यादव केही समयदेखि अवैधानिक रुपमा बस्दै आएका थिए। हाल उहाँको स्वास्थ्य अवस्था गम्भीर भएपछि दूतावासले आवश्यक प्रक्रिया पूरा गरी उद्धार प्रक्रिया अघि बढाएको हो।
आज दूतावासका अधिकारीहरूले क्वालालम्पुरस्थित अध्यागमन विभागबाट श्री यादवको ‘चेक आउट मेमो’ प्राप्त गर्न सहयोग गरेका थिए। उक्त कानुनी प्रकृया पूरा भएपछि उहाँलाई नेपाल फर्काउन सहज भएको दूतावासले जनाएको छ।
स्वास्थ्य अवस्था कमजोर रहेका यादवलाई स्वदेश फर्काउन सहजीकरण गर्नु दूतावासको मानवीय पहल अन्तर्गत गरिएको हो। दूतावासले श्री यादवको सुस्वास्थ्य र परिवारसँगको सुखद पुनर्मिलनको शुभकामना व्यक्त गरेको छ।
नेपाली दूतावास मलेसियाले यसरी अलपत्र परेका श्रमिकहरूको उद्धार तथा सहयोग कार्यलाई निरन्तरता दिँदै आएको छ।
