क्वालालम्पुर, गैरआवासीय नेपाली संघ (NRNA) मलेसियाको आगामी नवौं अधिवेशन (जुलाई २७, २०२५) नजिकिँदै गर्दा, महासचिव पदका लागि विष्णु प्रसाद बरालले आफ्नो उम्मेदवारी घोषणा गरेका छन्।
सामाजिक सञ्जालमार्फत सार्वजनिक गर्दै बरालले लेखेका छन्, “मलेसियाको महासचिव पदमा उम्मेदवारी दिएको जानकारी गराउन चाहन्छु। अवस्था जस्तो आए पनि नेतृत्व लिन तयारी छ। धन्यवाद भन्दै नेतृत्वको लागि तयार रहेको संकेत दिएका छन्।
पहिले सचिव, अहिले कार्यबाहक महासचिव
विष्णु प्रसाद बराल यसअघि NRNA मलेसियाका सचिवका रूपमा कार्यरत थिए। पछिल्लो समय संघ दुई धारमा विभाजित भएपछि हालका अध्यक्ष राकेश प्रसाद महतो नेतृत्वको पक्षले उनलाई कार्यबाहक महासचिवको जिम्मेवारी सुम्पिएको हो।
संघको आन्तरिक राजनीति र तयारीबीच बरालले पुनः महासचिव पदमा उम्मेदवारी दिएर आफ्नो सक्रिय भूमिका पुष्टि गरेका छन्। हाल अध्यक्ष र महासचिवबीच कार्यगत तालमेल देखिन थालेको संकेत यसबाट पनि देखिएको छ।
अधिवेशनको मिति तय
NRNA मलेसियाको नवौं अधिवेशन यही *जुलाई २७, २०२५ (आइतबार)*का दिन Hotel Grand Continental, Kuala Lumpur मा हुने तय भएको छ। अधिवेशनको प्रमुख एजेन्डा नयाँ नेतृत्व चयन, आर्थिक प्रतिवेदन, भावी कार्ययोजना र सांस्कृतिक कार्यक्रमहरू रहनेछ।
यसै अधिवेशनमा बरालको उम्मेदवारी निर्णायक बन्ने आकलन गरिएको छ।
भविष्यको नेतृत्वको लक्षण
संघभित्रको भिन्न मत र समिकरणबीच विष्णु बरालजस्ता नेतृत्व क्षमता भएका उम्मेदवारको उपस्थिति संघको आगामी भविष्यलाई नयाँ दिशातर्फ लैजान सक्ने आशा गरिएको छ।
