मलेसिया। आरटिएफसि फुटबल क्लब मलेसियाको सहयोगमा आईटिभी रोगबाट पीडित भएका लुजाल सरदार स्वदेश फिर्ता भएका छन्।
सोनापुर १ सुनसरी घर भएका लुजाल सरदारलाई आरटिएफसि फुटबल क्लब मलेसिया र एनआरएनए मलेसियाका युवा संयोजक राजु तामाङको आर्थिक सहयोगमा उनि स्वदेश फर्किएका हुन्।
गैर आवासीय नेपाली संघ मलेसियाका युवा संयोजक राजु तामाङले पिडित सरदार लाई स्वदेश फिर्ता गर्नु पहिले ड्राइभ डकुमेन्ट दिदै
आरटिएफसि मलेसियाका अध्यक्ष समेत रहेका तामाङका अनुसार रोगबाट पिडित बनेका सानदारले आफु बिरामी छु भनेर टेलिफोन गरे र सम्पुर्ण बिवरण बताए पछि उनको अवस्था बुझ्दा साच्चिकै पिडित रहेछन् ।सरदार ले आफ्नो जन्मभूमि नेपालमै उपचार गराउन्छु मलाई स्वदेश पठाइदिनको लागि ईच्छा गरे त्यस पछि आफुले नेपालमै पठाउनको लागि प्रक्रिया अघाडी बढाएर शुक्रबार मालिन्डो एयरलाइन्स मार्फत स्वदेश पठाउन सफल भएको एनआरएनए मलेसियाका युवा संयोजक राजु तामाङले बताए।
लुजाल सरदार स्वदेश फिर्ता
लामो समयदेखि अबैधानिक रुपमा काम गर्दै आएका सरदारलाई स्वदेश फिर्ता पठाउनको लागि आवश्यक पर्ने ट्राभल डकुमेन्ट,हवाई टिकट र मलेसिया अध्यागमन विभागलाई तिर्नु पर्ने जरिवाना लगायत सम्पुर्ण खर्चमा मलेसियान दुई हजार दुई सय रिंगेट आरटीएफसीका सम्पुर्ण सदस्यबाट संकलन भएको थियो भने अन्य बाकि खर्च युवा संयोजक राजु तामाङ आफैंले सहयोग गरेका थिए।लुजाल आज भन्दा ९ बर्ष अघि द रिभर ओभरसिज मेनपावरबाट मलेसियाको टपनोथ्च कम्पनीमा आएका थिए।
स्वदेश फर्किएको लागि आवश्यक पर्ने सरदारको ड्राइभ डकुमेन्ट
सामाजिक क्षेत्रमा उतिकै महत्त्व दिदै मलेसियाको जोहोरबारुमा होटल व्यवसायिक गर्दै आएका तामाङ्गले देश तथा बिदेशमा समस्यामा परेका नेपालीहरुको उद्दार र सहयोग गर्ने गर्दछन । यस्तै मलेसिया रहेर नेपाली फुटबल क्षेत्रमा लामो समय देखि योगदान पुर्याउदै आएका छन्।
