मलेसिया। राष्ट्रिय स्वतन्त्र पार्टीका सभापति एवं पुर्व उपप्रधानमन्त्री तथा गृहमन्त्री माननीय रवि लामिछाने तीनदिने भ्रमणको लागि मलेसिया आईपुगेका छन्।
भ्रमणमा रास्वपा सभापति लामिछाने सँगै सह महामन्त्री कविन्द्र बुर्लाकोटी र सह कोषाध्यक्ष दीपक बोहोरा पनि रहेका छन् ।
आज आईतबार मलेसिया आईपुगेका लामिछानेलाई नेपाली राजदुतावासका उपनियोग प्रमुख मुदिता बज्राचार्य र द्वितीय सचिव प्रेम बहादुर बुढाथापा, जनसम्पर्क अधिकृत टेक बहादुर बुढा र रास्वपा प्रवास नेपाली सम्पर्क विभाग मलेसियाका संयोजक नेत्र केसी लगायतले मलेसियाको अन्तर्राष्ट्रिय विमानस्थलमा स्वागत गरेका थिए।
नेपाली राजदूतावासका उपनियोग प्रमुख मुदिता बज्राचार्य र द्वितीय सचिव प्रेम बहादुर बुढाथापा स्वागत गर्दै
रास्वपा प्रवास नेपाली सम्पर्क विभाग मलेसियाका संयोजक नेत्र केसिका अनुसार आज मलेसियाको क्वालालम्पुरस्थित होटल ग्राण्ड कन्टिनेन्टलमा नेपाली हरु सँग भेटघाट तथा अन्तरक्रिया कार्यक्रम तय गरिएको बताए ।
रास्वपा प्रवास नेपाली सम्पर्क विभाग मलेसियाका संयोजक नेत्र केसि लगायत स्वागत गर्दै
यसैगरी सोमबार भोलि नेपाली राजदूतावास र मलेसियामा रहेका नेपाली समुदायसँग अन्तरक्रिया कार्यक्रम तय गरिएको संयोजक केसिले बताए। लामिछाने मलेसियाका बिभिन्न कार्यक्रममा सहभागी भएर मंसिर १९ गते स्वदेश फिर्ता हुने कार्यतालिका रहेको छ।
फोटो: कृष्ण गुप्ता
