काठमाडौं । अल्लु अर्जुन र रश्मिका मन्दाना स्टारर बहुप्रतीक्षित भारतीय फिल्म ‘पुष्पा २ : द रुल’को धमाकेदार ट्रेलर सार्वजनिक भएको छ । नेपाल सीमावर्ती भारतको बिहारको पटनास्थित गान्धी मैदानमा आयोजित भव्य समारोहमा ट्रेलर सार्वजनिक गरियो ।
सुपरस्टारद्वय अल्लु अर्जुन र रश्मिकाको उपस्थितिमा एक्सनप्रधान ट्रेलर प्रस्तुत गरिएको हो । सुकुमार निर्देशित यो फिल्म ५ डिसेम्बर अर्थात् २० मंसिरमा रिलिज तयारीमा छ ।
यो एक्सनप्रधान ट्रेलरमा अल्लु अर्जुन पुष्पराजको भूमिकामा छन् । एक्सन फिल्ममा रुचि राख्ने अल्लु अर्जुनका फ्यानलाई यो ट्रेलरले अवश्य उत्साह प्रदान गर्नेछ । फिल्ममा अल्लु अर्जुन एन्टीहिरो चरित्रमा छन् ।
यो फिल्मको अघिल्लो भागले नेपालमा समेत उछाल कमाइ गरेको थियो । दोस्रो भागले विश्वभर आक्रामक कमाइ गर्ने विश्लेषण भारतीय सञ्चारमाध्यमले गरेका छन् ।
