काठमाडौँ । नेपाली यू-१९ राष्ट्रिय क्रिकेट टोलीले भारतको कर्नाटक यू-१९ टोलीसँग पाँच खेलको सिरिज खेल्ने भएको छ ।
एसीसी यू-१९ एसिया कपको तयारीमा रहेको नेपाली युवा टोलीले घरेलु मैदानमा तयारी स्वरूप ओडि सिरिज खेल्न लागेको हो ।
नेपाल क्रिकेट संघ (क्यान) अनुसार नेपाल यू-१९ र कर्नाटक यू-१९ टोलीबीच यही नोभेम्बर १३ देखि २१ सम्म मूलपानी मैदानमा खेल हुनेछ ।
पहिलो खेल नोभेम्बर १३ मा हुनेछ । यस्तै दोस्रो खेल नोभेम्बर १५ मा, तेस्रो खेल नोभेम्बर १७ मा, चौथो खेल नोभेम्बर १९ मा र पाँचौँ तथा अन्तिम खेल नोभेम्बर २१ मा हुनेछ ।
नेपालले यही नोभेम्बर २९ देखि डिसेम्बर ८ सम्म युएईमा हुने एसीसी यू-१९ एसिया कप खेल्दैछ । क्यानले त्यसका लागि हेमन्त धामीको कप्तानीमा १८ सदस्यी टोली घोषणा गरिसकेको छ ।
