बारा:=श्रमजिवी बहुउदेशीय सहकारी संस्था लि. ले आफनो ४ औ स्थापना दिवसको अवसरमा कलैया उपमहानगरपालिका वडा नं ४ स्थित अमृता अनाथ आश्रमलाई सहयोग गरेको छ । आईतबार एक कार्यक्रमका बिच सहकारी संस्थाको अध्यक्ष सदाम हुसेन मंसुरले आश्रममा ६ हजार बराबरको चामल दाल चाउ चाउ बिस्कुट सोयाबिन खाधान्न सामग्री हस्तान्तरण गरेका छन ।
कार्यक्रममा संस्थाको अध्यक्ष मंसुरले असहाय र सडकपेटीमा बस्ने बालबालिकाहरुलाई आश्रम दिनेमात्र नभई असहाय बालबालिकाहरुलाई शिक्षा दिक्षा दिएर अनुशासित नागरिक बनाउन काममा आश्रम ब्यवस्थापन समितिको योगदान रहेको बताए । स्थानिय सरकारको कामलाई एउटा सामाजिक संस्थाबाट सहयोग भएको भन्दै आगामीदिनमा आवश्यक सहयोगको प्रतिवद्धता जनाए ।
४ औ स्थापना दिवसको अवसरमा यस संस्थाले आफ्ना शेयर सदस्यको लागि विभिन्न किसिमका सुविधा पनि उपलब्ध ल्याएका छन् ।
उक्त कार्यक्रममा संस्थाको सदस्य श्रवण कुमार, आलिम मियाँ, बजार प्रतिनिधि नाजिर हुसेन मियाँ, कर्मचारी नौंसद मंसुर लगायतको उपस्थिति रहेको थियो
