काठमाडौं, । काठमाडौं महानगरपालिका प्रमुख बालेन्द्र शाहको फेसबुक स्टाटस रिकभर भएको छ । एमाले प्रदेश सांसद रेखा शर्माले विगत ८ वर्षदेखि नाबालिकालाई बालमजदुरको रुपमा राखेर श्रम शोषण गरेकोबारे बालेनले फेसबुकमा लेखेका थिए । उनले बालश्रम शोषण गर्ने प्रदेश सांसद शर्मालाई कहिले पक्राउ गर्ने ? भन्दै प्रश्न गरेका थिए ।
प्रधानमन्त्री ओलीलाई समेत जोडेर बालेनले स्टाटस लेखेसँगै एमालेका कार्यकर्ताले रिपोर्ट गर्दा स्टाटस हटेको थियो । त्यसलगत्तै बालेनले ‘पोस्ट उडाउने हैन, दोषी समाउ सरकार । म गलत हो भने मलाई समाउ, हैन भने दोषी समाउ’ भन्दै सरकारलाई चूनौति दिएका थिए ।
त्यसपछि बालेनका सार्थकहरुले प्रधानमन्त्री ओलीको फेसबुक पेज अनफलो अभियान नै चलाएका थिए । विगत ४ दिनको अवधिमा ७० हजारभन्दा बढीले प्रधानमन्त्री ओलीलाई अनफलो गरिसकेका छन् ।
