काठमाडौँ । कलाकार रामचन्द्र अधिकारी ‘काजी साप’ ले आफू घरमै सकुशल रहेको बताएका छन् । हिजैदेखि सामाजिक सञ्जालमा आफ्नो मृत्युको हल्ला फैलिएपछि उनले आफू सकुशल रहेको बताएका हुन् ।
‘बिहानैदेखि मलाई साथीभाइ, आफन्तको फोनहरू धेरै आइरहेको छ । बाहिर मेरो मृत्युको हल्ला पो फैलिएकाे रहेछ’, उनले भने, ‘म घरमै सकुशल बसिरहेकाे छु ।’ कसरी र कसले यस्तो हल्ला फैल्यायो आफूले बुझ्न सकेको छैन उनि भन्छन ।
‘दुई वर्ष अगाडि बिरामी पर्दा अस्पताल भर्ना भएको मेराे तस्बिर राखेर मृत्युको हल्ला गरिएछ । यसले मेरो आयुमा वृद्धि गर्यो’ उनले थपे, ‘किन र कसले केका लागि हल्ला गर्यो । त्यो मैले बुझ्न सकिन ।’
अधिकारीको सुत्रफबार साँझैदेखि सामाजिक सञ्जाल लगायतमा मृत्युको हल्ला फैलिएको हो ।
अधिकारी पछिल्लो समय अभिनयमा ‘काजी साँप’ को रूपमा परिचित छन् । यो परिचय उनले हास्य शृङ्खला ‘मेरी बास्सै’ बाट पाएका हुन् । अधिकारी फिल्म, टेलिफिल्मदेखि म्युजिक भिडियोसम्म छाउन अतेन्त सफल छन् ।
