नेकपा माओवादी केन्द्रका अध्यक्ष पुष्पकमल दाहाल प्रचण्डले जनताको सुखदुःख बुझ्न देशैभर जिाने इच्छा प्रकट गरेका छन्।
मंगलबार पार्टी केन्द्रीय कार्यालय पेरिसडाँडामा बसेको पदाधिकारी बैठकमा प्रचण्डले यस्तो इच्छा राखेका हुन्।
‘अब हाम्रो जनतासँगको सम्बन्धको कडी टुटेको छ,’ बैठकमा अध्यक्ष प्रचण्डले राखेको भनाइ उद्धृत गर्दै उपाध्यक्ष अग्निप्रसाद सापकोटाले भने, ‘म देशैभरी जनतासँग एकाकार हुन, सुखदुख बुझ्न र सुन्नका लागि देशैभर जाने इच्छा छ।’
सापकोटाका अनुसार, केन्द्रीय समिति बैठकपछि प्रचण्ड देशभर जानेछन्।
‘म एक पटक देशव्यापी रुपमा जनताको माझ जान्छ, फेरि अर्को स्तरको विचार संश्लेषणको आवश्यक्ता छ,’ सापकोटाले प्रचण्डको भनाइ उद्धृत गर्दै भने।
