दक्षिण भारतको केरला राज्यमा भीषण वर्षापछि पहिरो जाँदा ५६ जनाको ज्यान गएको छ ।
पहिरोमा परी १०० जनाभन्दा बढी घाइते भएको स्थानीय अधिकारीलाई उद्धृत गर्दै बीबीसीको समाचारमा जनाइएको छ ।
पहिरोबाट मंगलवार दिउँसोसम्म २५० जना जतिको उद्धार भएको सुरक्षा अधिकारीहरूले बताएका छन् ।
खोज तथा उद्धार कार्यका लागि २०० भन्दा बढी सैनिक तैनाथ गरिएको बताइएको छ ।
प्रभावित स्थानमा खोज तथा उद्धार अभियान चलिरहेको छ । तर ठूलो वर्षा भइरहेकाे तथा एउटा महत्त्वपूर्ण पुल पनि भत्किएका कारण उद्धारकार्य प्रभावित भएको बताइएको छ ।
केरलाका मन्त्री एके शशीन्द्रनले क्षतिको विवरण आउन अझै केही समय लाग्ने बताएका छन् ।
यसैबीच, प्रधानमन्त्री नरेन्द्र मोदीले सामाजिक सञ्जाल एक्समा केरला सरकारलाई विपद्को अवस्थामा सम्भावित सबै सहयोग गर्ने बताएका छन् ।
केरलाको वायनाड जिल्लाका विभिन्न स्थानमा मंगलवार सबेरै पहिरो गएको थियो ।
