क्वालालम्पुर : मलेसियामा जुलाई २१ तारीख भएको सातौं गेविन मलेसिया ओपन तेक्वान्दो च्याम्पियन २०२४ मा नेपाली टोलिका खेलाडीहरुले ७ संवरण र ३ रजत गरि जम्मा १० मेडल जित्न सफल भएको छ ।
मलेसियाको सेलाङ्गोर राज्यको केलाङ शहरको esplanade mall मा भएको खेलमा पदकहरु जितेका हुन। जस मध्य नारायण नहर्की, अब्बास अन्सरी, मनिष पौडेल, सुजल कंडेल, दर्शन बराल, रिशभ शर्मा र प्रयाद ढकालले स्वर्ण पदक हाशिल गरेका थिए भने हेम प्रसाद भट्ट (सन्तोष), सुजन रोका र जुनेत खानले रजत पदक जितेका हुन ।
नेपालबाट मलेसियामा पुगेका १६ जनाको जम्बो टोलिमा १२ खेलाडी सहित टिम म्यानेजर आशिष घिमिरे, रेफ्री उमर खान र प्रशिक्षक द्वय रोशन खान र कमल भट्टराई प्रशिक्षक रहेका थिए । रोशन खान तेक्वान्दो चितवन जिल्लाको प्रशिक्षक पनि हुन ।
आईतवार सम्पन्न खेलमा मलेसिया, नेपाल, जापान, ईन्डोनएसिया, ब्राजिल, चाईना, ताईवान, भारत गरि जम्मा ८ देशको सहभागी रहेको थियो।
त्यस्तै खेल पश्चात् पत्रकारहरुसँग प्रशिक्षक खानले अहिले सम्म नेपालमा स्थानीय तह, प्रदेश र संघीय सरकारले विश्वभरी देशको नाम चिनाउने खेलाडी अथाह खेल्कुद भए पनि अहिले सम्म खेल्कुद क्षेत्रमा जति बजेट पाउनु पर्ने पर्याप्त बजेट नपाएकोले नेपाली खेलाडी पछि परेको बताए।
