नेपाली युवापूस्तामाझ चर्चित सर्जक टंक तिमिल्सिनाको “चमक्क चमक्क लाली जोवन” भन्ने बोलको गीत डिजिटल प्लेटफर्म टंक तिमिल्सिना युट्यूब च्यानलमा सार्वजनिक भएको छ ।
यो समाचार तयार पार्दासम्म गीतले 1 लाख भन्दा बढी भ्युज पनि पाईसकेको छ ।
सुदुरपश्चिम अछामको पन्चदेवल बिनायक नगरपालिकामा जन्मेका गायक, सर्जक टंक तिमिल्सिनाका “मेरि चम्पा”, “चल्यो बतास”, मीठो बोलिले”, “हुक्का बार”, “मैना”, “आमाको माया” लगायत सयौँ गीत चर्चित छन् र लाखौले हेरेका छन् ।
गीत संगीतको अलवा सामाजिक क्षेत्रमा पनि उत्तिकै सकृय गायक तिमिल्सिना पछिल्लो समय “मेरी चम्पा” बाट देशब्यापी हुँदै बिदेशका विभिन्न सहरहरुमा समेत स्टेज कार्यक्रम पाउन सफल गायकको रुपमा सुप्रसिद्ध छन् ।
आफैले लय र शब्द कोरेको यो गीत गायक टंक तिमिल्सीना र रन्जना सिजापती को आवाजमा सजिएको छ । कोरियोग्राफर तथा नृत्य निर्देशक बिक्रम चौहानको निर्देशन रहेको गीतको भिडियोमा अत्यस्तै व्यस्त र सुन्दरी नायिका अन्जली अधिकारी, पछिल्लो समय टंक तिमिल्सिनाकै मेरि चम्पाबाट उदाएकी मोडेल सुष्मा मगर, निर्देशक तथा कोरियोग्राफर बिक्रम चौहान र टंक तिमिल्सिनाको नृत्य हेर्न पाईन्छ ।
आफ्नो हरेक सिर्जनालाई फरक रुपले प्रस्तुत गर्ने सर्जक टंक तिमिल्सीना यो गीतले दर्शकलाई अझ धेरै आनन्दीत बनाउनेमा ढुक्क भएको बताउँछन् । गीत रिलीज गर्दै गायक तिमिल्सीनाले उक्त गीत हेरेर प्रतिकृया दिनुहुन सबैलाई अनुरोध गर्दै गीत तथा भिडियोमा आवद्ध सम्पूर्ण टिमलाई धन्यवाद समेत दिएका छन् ।
