काठमाण्डाै । नेकपा(एमाले) सुदुरपश्चिम प्रदेश सम्पर्क कमिटीको चौथो पूर्ण बैठक पार्टी स्थायी कमिटी सदस्य तथा सम्पर्क समन्वय कमिटी ईन्चार्ज लालबाबु पण्डितको प्रमुख आतिथ्यतामा सम्पन्न भएको छ ।
पार्टी कार्यालय बिजुलीबजार काठमाडौमा कमिटीका अध्यक्ष सुरत खत्रीको अध्यक्षतामा २९ वैशाख, २०८१ मा सम्पन्न बैठकले भर्खरै अधिवेशन सम्पन्न भएका सुदुरपश्चिम प्रदेशका सम्पूर्ण ९ जिल्ला सम्पर्क मन्चका सम्पूर्ण पदाधिकारी तथा सदस्यहरुलाई बधाई तथा शुभकामना दिएको छ ।
९ ओटै जिल्ला सम्पर्क मन्चका अध्यक्षहरुको रिपोर्टिङ सँगै बैठकले आगामी जेठ महिनामा ९ ओटै सम्पर्क मन्चका पदाधिकारीहरुलाई प्रशिक्षण कार्यक्रमको आयोजना गर्ने, सो सम्बन्धी कार्यक्रमको आवश्यक संयोजन गर्ने जिम्मा पार्टी स्कुल विभाग प्रमुख तथा कमिटीका उपाध्यक्ष बीर बहादुर धामी लाई दिने निर्णय गर्यो ।
दार्चुला काठमाडौ सम्पर्क मन्चका निवर्तमान अध्यक्ष दिवान सिंह धामीलाई सम्पर्क कमिटीको सदस्यमा मनोनित गरेको बैठकले डडेल्धुरा बाहेक अन्य ८ ओटा जिल्ला सम्पर्क मन्चको ईन्चार्जको जिम्मेवारी तपशिलका कमरेडहरुलाई दिने निर्णय सर्वसम्मत पारित गर्यो ।
बझाङ : राम बहादुर विस्ट
बाजुरा: दिनेश धामी
बैतडी: संतोष सिं ठगुन्ना
कंचनपुर : डि.बी. जोशी
दार्चुला: दिवान सिंह धामी
कैलाली: पालुराम चौधरी
अछाम: किरण सिं विष्ट
डोटी: नवराज श्रेष्ठ
बैठकको बीचमा कमिटीले प्रकाशन गरेको २०८१ सालको भित्तेपात्रो उपस्थीत प्रमुख अतिथि तथा अन्य अतिथिहरुले संयुक्त रुपमा बिमोचन गर्नुभएको थियो । भित्तेपात्रो प्रकाशनको लागि कमिटीका सदस्य रुपेश साउदको संयोजकत्वमा भित्तेपात्रो प्रकाशन उपसमिती गठन गरेको थियो ।
पार्टी केन्दृय कमिटी सदस्य तथा सुदुरपश्चिम प्रदेश सम्पर्क कमिटी ईन्चार्ज कल्पना थापा लगायतका अतिथिहरुको आतिथ्यता रहेको बैठकको सन्चालन कमिटीका सचिव खगेन्द्र साउदले गर्नुभएको थियो ।
पार्टी केन्द्रको निर्णय र निर्देशन बमोजिम पार्टीको आन्तरिक जीवनलाई सुदृढ बनाउनको लागि संगठन विस्तार, प्रशिक्षण, पार्टी सदस्यता विस्तार लगायतका विविध खालका कार्यक्रमहरु व्यापक रुपमा गरिने कुरा कमिटीका सचिव खगेन्द्र साउदले हिरोनेपाल टि भी लाई बताउनुभयो ।
