मलेसिया।श्रमिक दिवसको अवसरमा सोलुखुम्बुका दावा शेर्पालाई गैरआवासीय नेपाली संघ मलेसियाले सम्मान गरेको छ।
ए फाइभ सेक्युरिटी सर्भिसमा चार वर्षदेखि काम गर्दै आएका दावा शेर्पाले २० मार्च २०२४ दमनसरास्थित एक सपिङ सेन्टरको गाडि पार्किङमा डिउटिमै रहेको अवस्थामा मलेसियन ५लाख८७हजार५सय१६ रिङगेट रहेको ब्याग भेटाएका थिए।पैसाको ब्याग इमानदारीपूर्वक कार्यरत कम्पनीमा जानकारी गराई आफ्नो पेशागत निष्ठा तथा व्यवसायिकता प्रमाणित गरेको भन्दै संघले शेर्पाको असाधारण इमान्दारिताको उदाहरणीय प्रदर्शनको सम्मान गरेको एनआरएनए मलेसियाका अध्यक्ष बिनोद थापाले बताए।
शेर्पा लाई सम्मान गर्नु हुदै नेपाली राजदूतावास मलेसियाको उपनियोग मुद्दिता बज्राचार्य ,एनआरएनएका अभियान्ता खगेन्द्र भट्टराई, एनआरएनए मलेसिया अध्यक्ष बिनोद थापा / तस्बिर कृष्ण गुप्ता
यसैगरी नेपाल आदिवासी जनजाति महासंघ मलेसियाले शेर्पाको इमानदारी प्रति धन्यवाद दिँदै प्रवासको ठाउँमा पनि आदिवासी जनजाति समुदाय लगायत नेपाल र नेपालीको शिर ठाडो बनाउने काम गरेको भन्दै प्रशंसा पत्र प्रदान गरेको महासंघ मलेसियाका अध्यक्ष बिपिन राईले बताए।
दावा शेर्पालाई नेपाली आदिबासी जनजाती महासंघ मलेसियाका अध्यक्ष बिपिन राई सम्मान गर्नुहुदै / तस्वीर – कृष्ण गुप्ता
