सुर्खेत ः अछाममा ट्याक्टर दुर्घटना हुँदा दुई जना घाइते भएका छन् । पञ्चदेवल विनायक नगरपालिका–२ विनायकबाट तोली गइरहेको ट्याक्टर दुर्घटना भएको हो ।
ट्याक्टर दुर्घटनामा बाजुरा जिल्ला बुढीगंगा नगरपालिकाका चालक २५ वर्षीय महेश भारती र पञ्चदेवल विनायक नगरपालिका–२ का सहचालक २७ वर्षीय नेत्र विक घाइते भएको प्रहरीले बताएको छ ।
बालुवा बोकेर विनायकबाट तोली जाँदै गरेको भे २ त १९८५ नम्बरको ट्याक्टर अनियन्त्रित भएर सडकबाट करिब २० मिटर तल खसेको जिल्ला प्रहरी कार्यालय अछामका प्रमुख प्रहरी नायब उपरीक्षक सन्तोष पाठकले जानकारी दिनुभएको हो ।
घाइते दुवै जनालाई उपचारका लागि एम्बुलेन्सबाट जिल्ला अस्पताल, मङ्गलसेन लगिएको छ । चालक भारतीलाई बढी चोट लागेको छ भने विकको खट्टा भाँचिएको बताइएको छ ।
