सुर्खेत : सुर्खेतको वीरेन्द्रनगरमा एक जना महिलाको शव फेला परेको छ । वीरेन्द्रनगर नगरपालिका–१, को बांगेसिम प्रहरी बिट भन्दा एक किलोमिटरको दुरीमा सुख्खा खोलामा उक्त शव फेला परेको हो । उक्त शवको पहिचान भने हुन नसकेको प्रहरीले जनाएको छ ।
ती महिलाको शव सडिसकेको अवस्थामा फेला परेको बांगेसिमल प्रहरीले जनाएको छ । ‘स्थानीय महिलाहरू घाँस काट्न गएको बेला फेला पारेर हामीलाई खबर गरेका थिए,’ प्रहरी चौकी बांगेसिमलका प्रहरी वरिष्ठ हल्दार अर्जुन पाण्डेले भने, ‘लामो कपाल र कुर्ताबाट महिला हो भन्ने थाह भयो तर, कति वर्ष उमेर समूहको हो वा कसको हो भन्ने पहिचान गर्न सकिने अवस्था छैन ।’
