काठमाण्डाै। मोरङको रङ्गेली–३ बाबुसाहेव टोलको सन्थाल बस्ती आगलागीले सखाप पारेकाे छ । उक्त टोलमा रहेका २२ वटा घर आगलागीका कारण जलेर नष्ट भएको स्थनिय प्रहरीले जनाएको छ ।
आज दिउँसो दुई बजेतिर सुरु भएको आगलागी अहिले सम्म नियन्त्रण आइ नसकेको स्थानीयले बताएका छन् । टोलमा सन्थाल समुदायका बाक्ला घर थिए । पश्चिमबाट हावा पनि लागिरहेकोले आगो नियन्त्रण गर्न नसकेको स्थानीय बताउँछन् । बाँस, सन्ठी र पराल मिलाएर, टाटीले बेरा लगाएका घरहरु बाक्लो अवस्थामा रहेको कारण आगो छिटो फैलिएको थियो ।
कानेपोखरी गाउँपालिका, रङ्गेली, बेलबारी, पथरीशनिश्चरे र सुन्दरहरैँचा नगरपालिका र विराटनगर महानगरका वारुणयन्त्र, प्रहरी, सशस्त्र प्रहरी र स्थानीयको सहयोगमा आगो निभाउने प्रयास भइरहेको छ । क्षति विवरण भने अझै आइ सकेको छैन ।
