काठमाडौँ । उत्कृष्ट कार्यसम्पादन गरेका कारण रेखा शर्मा पुनः संचार तथा सूचना प्रविधि मन्त्रालयको जिम्मेवारी पाउने भएकी छन् ।
नयाँ समिकरणसँगै मन्त्रिमण्डल विस्तारसँगै शर्माले पुनः संचार मन्त्रालयको जिम्मेवारी पाएकी हुन् ।
शर्माले संचार मन्त्रालय समालेपछि एनसेल, यूटिएल, स्मार्ट सेलको काण्डमा सरकारको जित भएको छ । त्यस्तै इन्टरनेट सेवा प्रदायक कम्पनीहरुको मनपरीलाई दायरामा ल्याउने प्रक्रिया सुरु भएको छ ।
त्यसैगरी सरकारी संचारमाध्यमहरुलाई आत्मनिर्भर बनाउँदै जनताको आवाज बुलन्द गर्ने दिशातिर अग्रसर, श्रमजिवी पत्रकारको पक्षमा खेलेको भूमिकाकै कारण शर्मा पुनः संचार मन्त्रालयको जिम्मेवारी पाएकी हुन् ।
मन्त्री शर्माकै भूमिकाका कारण चर्चित टेरामक्स काण्ड छानबिनको दायरामा आएको हो ।
नेपालको दूरसंचार क्षेत्रका विकृत तथा मनपरीलाई नियन्त्रण गरी सेवालाई जनताको पहुँचभन्दा बारिह जान नदिने मन्त्री शर्माको अठोट छ ।
