काठमाडौं । सामाजिक सञ्जाल फेसबुक र युट्युबमा उग्र अभिव्यक्ति दिँदै आएका पुण्य गौतम र युवराज सफललाई प्रहरीले पक्राउ गरेको छ ।
त्रिवि शिक्षण अस्पताल, महाराजगञ्जमा होलहल्ला, नारावाजी र जुलुस गरेर सार्वजनिक शान्तिमा असर पुर्याएकाले उनीहरुलाई पक्राउ गरिएको जिल्ला प्रहरी परिसर, काठमाडौंले जनएकाेछ ।
प्रहरिका अनुसार, अहिले दुवै जनालाई प्रहरी वृत्त, महाराजगञ्जमा छन ।
उनीहरुले चितवनको रत्नगर नगरपालिका–१० स्थित शिशु निकेतन माविको छात्रावासमा मृत अवस्थामा भेटिएकी छात्रा १४ वर्षीया शालिन पोखरेलको पोष्टमार्टम रिपोर्ट सार्वजनिक गर्न माग गर्दै प्रदर्शन गरिर रहेका थिए ।
स्काउटको डोरीले घाँटीमा झुण्डिएको अवस्थामा १२ फागुनमा उनको शव भेटिएको थियो । त्रिवि शिक्षण अस्पतालमा भएको फरेन्सिक जाँचको प्रतिवेदनमा उनको ‘झुण्डिएको कारण’ मृत्यु भएको उल्लेख छ ।
आफन्तले बलात्कारको आशंका गरेकाले पीडितको संवेदनशील अंगको पनि जाँच गरिएको थियो । तर, पोष्टमार्टम जाँचमा शंकास्पद विषय नदेखिएको अनुसन्धानमा संलग्न एक अधिकृतले बताएाछन।
‘हाइमिन इन्ट्याक्ट छ भन्ने रिपोर्टमा उल्लेख छ’, स्रोतले भन्यो । प्रहरीले घटनास्थलबाट सुसाइड नोट पनि बरामद गरेको थियो ।
