सुर्खेत । कर्णाली प्रदेश सरकारले कर्णाली प्रदेश सभाको हिउँदे अधिवेशन फागुन ३० गते आह्वानका लागि सिफारिस गर्ने निर्णय गरेको छ। शुक्रबार (फागुन १८) गते बसेको बर्णाली प्रदेश सरकार मन्त्रिपरिषद्को बैठकले फागुन ३० गते बुधबार अधिवेशन आह्वान गर्नका लागि प्रदेश प्रमुखसमक्ष सिफारिस गर्ने निर्णय गरेको हो।
दोस्रो अधिवशेन अन्त्य भएको पाँच महिनापछि तेस्रो अधिवेशनका लागि आह्वान गर्ने निर्णय गरिएको हो।
सरकारका प्रवक्ता समेत रहेका आन्तरिक मामिला तथा कानूनमन्त्री कृष्णबहादुर जिसीले नेपालको संविधानको धारा १८३ को उपधारा (१) बमोजिम कर्णाली प्रदेश सभाको दोस्रो कार्यकालको तेस्रो अधिवशेन यहीँ फागुन३० गते आह्वान गर्नका लागि प्रदेश प्रमुख तिलक परियारसमक्ष सिफारिस गर्ने निर्णय गरिएको जानकारी दिए।
यस्तै, प्रदेश सभाको दोस्रो अधिवेशनको ३९औं बैठक गत असोज २२ गते अन्त्य गरिएको थियो।
