मलेसिया :- फोनिज मलेसिया शाखाको फेब्रुअरी १८ तारीख बसेको पहिलो बैठकबाट बर्षका उत्कृष्ट दुई पत्रकारलाई “फोनिज मलेसिया पत्रकारिता पुरस्कार” प्रदान गर्ने निर्णय गरेकोछ ।
फोनिज मलेसिया शाखाका अध्यक्ष अर्पण मगर “बुद्ध”को अध्यक्षतामा बसेको बैठकबाट २०२४-२०२६ कार्यकालको ८ बुदे कार्य विधि पारित गरेकोछ । फोनिजका संघिय समितिको सिफारिसमा एक अल्पसंख्यक सहित दुई उत्कृष्ट फोनिज कर्मी पत्रकारलाई प्रत्येक बर्ष रु १० हजार १० नगद पुरस्कार सहित “फोनिज मलेसिया पत्रकारिता पुरस्कार” बाट सम्मान गर्ने कार्य विधिको पाँचौं बुदामा उल्लेख भएको छ ।
साथै कोष स्थापना र बर्षमा २ वटा पत्रकारिता क्षमता अभिबृद्धि तालिम तथा प्रशिक्षण गर्ने कार्य विधिमा पारित भएको अध्यक्ष अर्पन मगर “बुद्ध” ले जानकारी दिए ।
फोनिज मलेसिया शाखा दोस्रो अधिवेशन जनवरी २५ तारिख सम्पन्न भएको थियो । नव समिति १३ सदस्यीय समिति गठित भएको छ ।
