काठमाडौँ । पूजा शर्माको मुख्य भूमिका रहेको फिल्म ‘दान्भी’ को छायाङ्कन धमाधम भइरहेको छ। रुपेश तामाङको निर्देशनमा यस फिल्मको सुटिङ यतिखेर भारतको कालिम्पोङमा चलिरहेको छ।
फिल्मको छायांकनमा मूख्य कलाकारहरु पूजा शर्मा, कुन्साङ बोमजोमले अभिनय गरिरहेका छन्। एक सातादेखि कालिम्पोङमा रहेकी अभिनेत्री शर्माले भनिन्–‘हामीले फिल्मको मुख्य अंशको छायाँकन गरिरहेका छौँ। अझै, एक साता छायांकन सेड्यूल छ।’
यसअघि निर्माणटिमले फिल्मको एक्सनपूर्ण टिजर सार्वजनिक गरेको थियो। जसमा पूजाको एक्सन लुकलाई दर्शकले मन पराएका थिए।
फिल्मको काम सकेपछि मात्र प्रदर्शन मिति तय गर्ने तयारी छ।
फिल्मको टिजर सार्वजनिक भएपनि प्रदर्शन मिति भने तय गरिएको छैन। फिल्ममा पूजा र कुन्साङको साथमा फिल्म ‘पर्खी बसेँ तिमीलाई’ का अभिनेता किरण श्रेष्ठको पनि अभिनय छ।
देव मगर र अनुप गडालको लगानी रहेको फिल्मका कार्यकारी निर्माता पवन राना मगर हुन्। फिल्ममा कमला मल्ल, पन्चबहादुर तामाङ, श्रवण कुमार श्रेष्ठ र जीवन तामाङ सह–निर्माताको रुपमा छन्।
रविना थापा मगरको कथा रहेको फिल्मको पटकथा तथा संवाद संजोग कुवँर रानाले लेखेका हुन्। श्री श्रेष्ठको एक्सन निर्देशन रहेको फिल्ममा हरिबहादुर घलेले खिचिरहेका छन्।
