मले’सिया मलाका । सगरमाथा युवा क्लव मलेसियाले चाइनिज नयाँ वर्षको छुट्टिकाे अवसर पारि मले’सियाकाे मलाका,तामान बाचाङजयामा मलेसियाव्यापी खुल्ला,दाेस्राे सगरमाथा पुरूष भलिबल प्रतियोगिता भब्यरूपमा सम्पन्न गरेको छ ।
उक्त खेल खेल्न नेपालका राष्ट्रिय भलिबल खेलाडीहरु रवि केसी, सरोज बर्देवा, हिमाल सुनारी मगर र सुरेन्द्र बुरउ समेत मलेसिया अाएका थिए ।
कार्यक्रमककाे अध्यक्षता सगरमाथा युवा क्लवका अध्यक्ष अर्जुन लावती, प्रमुख अतिथि सयपत्री युवा क्लवका अध्यक्ष ग्याविन्द्र राइ , विशिष्ट अतिथि एनआरएनए मलेसियाका सचिव बिष्णु प्रसाद बराल लगायत विभिन्न संघसंगठनवाट प्रतिनिधिहरुकाे उपस्थिति रहेकाे थियाे ।
सगरमाथा युवा क्लव द्वारा आयाेजित मलेसिया ब्यापि दाेस्राे सगरमाथा खुल्ला पुरुष भलिबल प्रतियाेगितामा । आरएम ८००८ को प्रथम पुरस्कार, आरएम ५ ००५ दोस्रो पुरस्कार रहेको थियो भने तेस्रो पुरस्कार आरएम ३००३ रहेको थियो ।
प्रतियोगितामा मलेसियाभरबाट जम्मा ८ टिमको सहभागिता रहेको थियो । ठुलाे पुरस्कार राशि रहेको उक्त प्रतियोगितामा नेपालका चर्चित खेलाडीहरुको सभागिता रहेको थियो । अहिले नेपाली भलिबल क्षेत्रमा चर्चित नाम तथा राष्ट्रिय खेलाडीहरु हिमाल सुनारी मगर, रवि केसी, सरोज बर्देवा तथा पूर्व भलिबल राष्ट्रिय खेलाडी सुरेन्द्र बुरउ को प्रदर्शनले भलिवलप्रेमी दर्शकहरुको ध्यान केन्दित थियो ।
प्रतियोगिताको प्रथम पुरस्कार जित्न सफल बाचांङ रेष्टुरेन्टबाट हिमाल सुनारी मगर र रवि केसीले पनि खेलेका थिए । त्यसैगरी दोस्रो स्थान जित्न सफल बीवाईसीबाट पूर्व राष्ट्रिय खेलाडी सुरेन्द्र बुरउ र मलेसियामा चर्चित खेलाडी जीवन मगरले खेलेका थिए ।
प्रतियोगिकाे प्रत्यक्ष लाइभ प्रसारण हिराे नेपाल टिभिकाे फेसबुक पेजवाट गरिएकाे थियाे ।https://www.facebook.com/heronepaltvoffical
कार्यक्रमका तस्विरहरु हेर्नुहाेस ।
