मले’सिया मलाका । सयपत्री युवा क्लव मलेसियाले चाइनिज नयाँ वर्षको छुट्टिकाे अवसर पारिमले’सियाकाे मलाका,तामानमेवामा मलेसियाव्यापी खुल्ला पुरूष भलिबल प्रतियोगिता संगै भाग्यशाली चिठ्ठा उपहार कार्यक्रम भब्यरूपकमा सम्पन्न गरेको छ ।
उक्त खेल खेल्न नेपालका राष्ट्रिय भलिबल खेलाडीहरु रवि केसी, सरोज बर्देवा, हिमाल सुनारी मगर र सुरेन्द्र बुरउ समेत मलेसिया आएका थिए ।
आयाेजित कार्यक्रमककाे अध्यक्षता सयपत्री युवा क्लवका अध्यक्ष ज्ञाविन्द्र राई, प्रमुख अतिथि बेदप्रसाद भण्डारी, विशिष्ट अतिथि एनआरएनए मलेसियाका सचिव बिष्णु प्रसाद बराल लगायत विभिन्न संघसंगठनवाट प्रतिनिधिहरुकाे उपस्थिति रहेकाे थियाे ।
सयपत्री युवा क्लब द्वारा आयाेजित उक्त मलेसिया ब्यापि पुरुष भलिबल प्रतियाेगितामा । आरएम ६ हजार (नेपाली १ लाख ७० हजार)को प्रथम पुरस्कार, १ लाख १२ हजारको दोस्रो पुरस्कार रहेको थियो भने तेस्रो पुरस्कार ५६ हजार रहेको थियो ।
प्रतियोगितामा मलेसियाभरबाट जम्मा ९ टिमको सहभागिता रहेको थियो । धेरै पुरस्कार राशि रहेको उक्त प्रतियोगितामा नेपालका चर्चित खेलाडीहरुको सभागिता रहेको थियो । अहिले नेपाली भलिबल क्षेत्रमा चर्चित नाम तथा राष्ट्रिय खेलाडीहरु हिमाल सुनारी मगर, रवि केसी, सरोज बर्देवा तथा पूर्व भलिबल राष्ट्रिय खेलाडी सुरेन्द्र बुरउ को प्रदर्शनले भलिवलप्रेमी दर्शकहरुको ध्यान केन्दित गराएकाे थियो ।
प्रतियोगिताको प्रथम पुरस्कार जित्न सफल बाचांग रेष्टुरेन्टबाट हिमाल सुनारी मगर र रवि केसीले पनि खेलेका थिए । त्यसैगरी दोस्रो स्थान जित्न सफल बीवाईसीबाट पूर्व राष्ट्रिय खेलाडी सुरेन्द्र बुरउ र मलेसियामा चर्चित खेलाडी जीवन मगरले खेलेका थिए ।
प्रतियोगिकाे प्रत्यक्ष लाइभ प्रसारण हिराे नेपाल टिभिकाे फेसबुक पेजवाट गरिएकाे थियाे ।https://www.facebook.com/heronepaltvoffical
कार्यक्रमका तस्विरहरु हेर्नुहाेस ।
