सुर्खेत । प्रेस चौतारी नेपालको २६ औँ स्थापना दिवसका अवसरमा पुस्तक हस्तान्तरण गरिएको छ। चौतारीको स्थापना दिवसका अवसरमा सोमबार कारागार कार्यालय सुर्खेतलाई पुस्तक वितरण गरिएको हो।
प्रेस चौतारी नेपाल, कर्णाली प्रदेश र सुर्खेत समितिको संयुक्त आयोजना कारागार कार्यालय ९बन्दी सुधार गृह० सुर्खेतमा पुस्तक वितरण गरिएको चौतारीका सुर्खेत अध्यक्ष गोविन्द्र खत्रीले जानकारी दिए।
अध्यक्ष खत्रीका अनुसार बन्दि गृहमा रहेको पुस्तकालयका लागि विभिन्न ७५ थान पुस्तक हस्तान्तरण गरिएको छ।
पुस्तक कारागारका निमित्त प्रमुख भूवन गौतमलाई चौतारीका कर्णाली अध्यक्ष प्रकाश अधिकारी र सुर्खेत अध्यक्ष खत्रीले संयुक्त रुपमा हस्तान्तरण गरेका हुन्।
पुस्तक हस्तान्तरण कार्याक्रममा नेकपा एमाले सुर्खेतका जिल्ला कमिटी सचिवालय सदस्य गंगाराम तिम्लिसेना, प्रेस चौतारीका नेता सूर्यमणी गौतम, प्रेस चौतारी नेपालका केन्द्रीयसदस्य तथा सुर्खेत इन्चार्ज आकाशतारा बयक, जिफन्ट कर्णाली अध्यक्ष तेजप्रकाश जिसी, वरिष्ठ पत्रकार पृथ्वीबहादुर शाही, राष्ट्रिय युवा संघ नेपाल सुर्खेतका अध्यक्ष वासु आचार्य तथा प्रेस चौतारीका प्रदेश र सुर्खेत समितिका विभिन्न पदमा कार्यारत पत्रकारहरुको सहभागीता रहेको थियो।
