मलेसिया।नेपाली जनसम्पर्क समिति मलेसियाले जोहोर राज्यमा क्षेत्रीय समिति पुनर्गठन गरेको छ।
जोहोरबारुको सेनाईमा आज आइतवार बसेको भेलाले गोविन्द लिम्बुको अध्यक्षयतामा ११ सदस्यीय नयाँ कार्यसमिति पुनगर्ठन गरेको छ। जस्मा उपाध्यक्षमा सुनिता शाह चयन भएकी छिन् । अन्य रिक्त रहेका पदमा कार्यसमितिको पहिलो बैठकले मनोनित गर्ने केन्द्रीय समितिका प्रवक्ता लाल बहादुर खड्काले बताए।
फोटो: कृष्ण गुप्ता
सुनिता शाहको सभापतित्वमा भएको भेलामा नेपाली जनसम्पर्क समिति मलेसियाका सभापति चोलाकान्त पंगेनी उप-सभापति कमल गौतम , राकेश महतो (आर के) ,महामन्त्री हरिप्रसाद कोइराला , प्रवक्ता लाल बहादुर खड्का , सदस्य लोक बहादुर थापा, सञ्चारकर्मी आरएन चौधरी थारु र कृष्ण गुप्ता लगायत नेपाली काङ्ग्रेसका बुद्धिजिवी,समर्थकहरुको उपस्थिति रहेको थियो ।
नेपाली कांग्रेस निकट प्रवास सङ्गठनका रुपमा नेपाली जनसम्पर्क समिति रहेको छ । यो समिति प्रबासमा रहेका नेपालीहरुको हकहित र न्याय को लागि काम गर्दै आएको छ।
जनसम्पर्क समिती मलेसियालाई थप मजबूत बनाउनको लागि सदस्यता वितरण तथा संगठनका गतिबिधिलाई थप विस्तार गर्दै जाने प्रबक्ता खड्काले जानकारी गराए।
