मलेसिया।नेपाल आदिवासी जनजाति पत्रकार महासंघ (फोनिज) मलेसियाको अध्यक्षमा अर्पण मगर(बुद्ध) चयन भएका छन्।
बिहीबार मलेसियास्थित ग्रेण्ड कन्टिनेन्टल होटलमा सम्पन्न फोनिज शाखा मलेसियाको दोस्रो अधिवेशनले मगरको नेतृत्वमा नयाँ कार्यसमिति चयन गरेको हो ।
फोनिज शाखा मलेसियाको उपाध्यक्ष घनश्याम चौधरी (आरएन),सचिवमा ईश्वर राई,सह सचिवमा श्रृष्टि सुनुवार, कोषाध्यक्षमा मिलन दोङ तामाङ रहेका छन् । यसैगरी सदस्यमा सविन लोप्चन तामाङ,यज्ञकुमार राई,जुद्ध चौधरी सन्तोष राई, सूर्य घर्तीमगर, शाहीकुमार तामाङ सन्तोष थामी, विन्दु दर्लामी मगर, र जुद्ध चौधरी छानिएका छन् ।
नेपाल आदिवासी जनजाति पत्रकार महासंघ (फोनिज) मलेसियाका कार्यवाहक अध्यक्ष घनश्याम चौधरी (आरएन)को सभापतित्वमा भएको अधिवेशनमा नेपाल आदिवासी जनजाति पत्रकार महासंघ (फोनिज)का संघीय अध्यक्ष गजुरधन राई प्रमुख अतिथि रहेका थिए।
कार्यक्रम मा नेपाल आदिवासी जनजाति महासंघ मलेसियाका अध्यक्ष विपिन राई, एनआरएनए मलेसियाका बरिष्ठ उपाध्यक्ष ईन्द्र नारायणी लिम्बु, एनआरएनए मलेसियाका दिल केरुङ, प्रवासी नेपाली मञ्च मलेसियाका अध्यक्ष दयाराम कुमाल,प्रवासी नेपाली एकता समाज (पानस)सुभद्रा लिङ्देन, रासपा प्रवास नेपाली सम्पर्क विभाग मलेसियाका संयोजक नेत्र केसि, हिमालयन एकेडेमी क्लब मलेसियाका अध्यक्ष सन्तोष भट्ट,तेरथुन समाज मलेसियाका अध्यक्ष पदम लिम्बु,नेपाल आदिवासी जनजाति पत्रकार महासंघ (फोनिज) मलेसियाका सल्लाहकार जिवन देवान, एनआरएनए मलेसिया पुर्व बरिष्ठ उपाध्यक्ष सुन्दर आले,प्रवासी नेपाली मञ्च मलेसियाका सचिव कृष्ण खडका लगायत मलेसियामा स्थापित नेपाली ब्यावसायी, रेमिटेन्स कम्पनीका पदाधिकारी र विभिन्न राजनीतिक , सामाजिक संघ-संस्थाका अध्यक्ष , पदाधिकारीहरुको उपस्थिति रहेको थियो।
नव निर्वाचित पदाधिकारीहरुलाई निर्वाचन समितिका संयोजक बिपिन राईले सपथ ग्रहण गराएका थिए भने कार्यक्रमको सन्चालन सचिव ईश्वर राईले गरेका थिए ।
