मलेसिया। नेपाली कांग्रेस निकट प्रवास सङ्गठन नेपाली जनसम्पर्क समिति मलेसियाको माशिक बैठक हिजो आईतबार बिभिन्न गर्दै क्वालालम्पुरमा सम्पन्न भएको छ।
समितिका सभापति चोलाकान्त पंगेनीको अध्यक्षतामा बसेको बैठकले रिक्त रहेको सह-कोषाध्यक्ष पदमा नेपाली जनसम्पर्क समिति मलेसियाका केन्द्रीय सदस्य इन्द्र भण्डारीलाई मनोनित गरिएको सभापति चोलाकान्त पंगेनीले बताए।
यसैगरी मलेसिया समितिसँग समन्वय र सहकार्य समितिलाई थप मजबूत बनाउने उदेश्यले सात वटै प्रदेश विभाग संयोजक पनि चयन गरेको छ। प्रदेश १ को संयोजकमा गोविन्द लिम्बू, मधेस प्रदेश संयोजकमा रामकुमार यादव, वागमती प्रदेश संयोजकमा धर्मराज थापा , गण्डकी प्रदेश संयोजकमा रुकेश गाहा मगर, लुम्बिनी प्रदेशको संयोजकमा रमेश भण्डारी, कर्णाली प्रदेश संयोजकमा दिपेन्द्र शाही र सुदूरपश्चिम प्रदेश संयोजकमा टेकबहादुर टमटा लाई चयन गरेको छ। मनोनित हुने प्रदेश विभाग संयोजकहरुलाई अध्यक्ष पंगेनीले खादा लगाएर बधाई तथा शुभकामना दिएका थिए।
