मलेसिया। राष्ट्रिय प्रजातन्त्र पार्टीका अध्यक्ष एवं पुर्व उपप्रधानमन्त्री राजेन्द्र लिंङदेनसहितको टोली तीनदिने भ्रमणको लागि मलेसिया आईपुगेका छन ।
आज शुक्रबार मलेसिया आईपुगेका लिङदेनलाई नेपाली राजदुतावास मलेसियाका महामहिम राजदूत डिल्लीराज पौडेल ,प्रथम सचिव बलिराम प्रसाद धामि, प्रवासी नेपाली एकता समाज (पानस) मलेसियाका संयोजक योगेन्द्र कुंवर,एनआरएनएका उपाध्यक्ष ईन्द्र लिम्बु र दिल केरुङ,कोषाध्यक्ष बलध्वज लिम्बु,एनआरएनए पुर्व आईसिसि सदस्य शुभद्रा लिङदेन,राजेन्द्र लिङदेन,सन्दीप लिङदेनलगायतले मलेसियाको अन्तर्राष्ट्रिय विमानस्थलमा स्वागत गरेका थिए।
राष्ट्रिय प्रजातन्त्र पार्टीको निकट प्रवास संगठन,प्रवासी नेपाली एकता समाज (पानस) मलेसियाले यहि ७ तारिख क्वालालम्पुरस्थित होटल ग्राण्ड कन्टिनेन्टलमा आयोजना गर्न लागेको अन्तरक्रिया कार्यक्रमलाई विशेष सम्वोधन गर्ने संयोजक योगेन्द्र कुंवरले बताए।
भ्रमणमा राप्रपा अध्यक्ष राजेन्द्र लिङ्देन सँगै केन्द्रीय सदस्य प्रेम श्रेष्ठ,लोक तिवारी,तोयानाथ लम्साल, पररास्ट्र बिभाग प्रमुख आनन्द अधिकारी, छत्र कडायत रहेका छन् । अन्तरकृया कार्यक्रम मलेसियामा रहेका नेपालीहरुको समस्या तथा सुझावहरु संकलन गरि सदनमा पुर्याई समस्या समाधान तथा न्युनिकरण गर्ने उद्देश्यले आयोजना गर्न लागेको संयोजक कुंवरले बताए । यस्तै मलेसियाका बिभिन्न कार्यक्रममा सहभागी भएर पुर्व उपप्रधानमन्त्री लिङ्देन ८ तारिख स्वदेश फिर्ता हुने कार्यतालिका रहेको छ।
